दुर्गन्धित बगर मनोरम स्थलमा परिणत


बनेपा, साउन ३० गते। खोल्साको छेउमा रहेको बगरको स्वरुप अहिले परिवर्तन भएको छ । नजिकै जाँदा गन्हाउने दूर्गन्धित स्थान, मनोरम स्थलको रुपमा परिणत भएको छ ।

सरकारले वन दशकअन्र्तगत ‘एक नगर एक उद्यान’ कार्यक्रम सुरु गरेपछि बनेपा नगरपालिका–६ स्थित तुल्टी फाँटमा तुल्टी बाटिकाको निर्माण भएपछि सो स्थानमा त्यस्तो परिवर्तन आएको हो ।

“हामीले वन दशक कार्यक्रमअन्र्तगत धेरै ठाँउमा सम्भाव्यता अध्ययन ग¥र्यौ, तर बनेपामा जस्तो अन्य ठाँउमा त्यस्तो स्थान नभेटेकाले बनेपा नगरपालिकाको अग्रसरतामा यो बाटिका निर्माण गरेका हौँ”– जिल्ला वन कार्यालयका प्रमुख वन संरक्षण अधिकृत गणेश रायले भन्नुभयो ।

उहाँले बाटिकामा विविध प्रजातिका विरुवा रोपेर विविधता दिइएको उल्लेख गर्दै बाटिकामा रु २५ देखि आठ हजारसम्म पर्ने विरुवा रोपिएको जानकारी दिनुभयो ।

सो बाटिकाको आज शनिबार उद्घाटन गर्दै वन तथा भू–संरक्षण मन्त्री महेश आर्चायले जैविक विविधतामा भारत र चीनलाई समेत बाटो देखाउने तत्परता नेपालसँग रहेको उल्लेख गर्दै प्राकृतिक सम्पदा संरक्षणमा विश्वकै अगुवाइ गर्न सकिने बताउनुभयो ।

कार्यक्रममा सभासद् कञ्चनचन्द्र वादे, प्रमुख जिल्ला अधिकारी सुदर्शन ढकाललगायतले बाटिकाको स्थापनापछि बनेपाको सौन्दर्यता झन् बढ्ने विश्वास व्यक्त गर्नुभयो ।

बनेपा नगरपालिका–६ स्थित तुल्टी फाँटमा स्थापना भएको सो बाटिकामा साइकस पाम, रुद्राक्ष, जिन्को बाइलोबा, पेन्सिल धुपी, कपुर, चेरी, समी, गुलाब जामुन, एरोकेरिया, बोधिचित्त, स्पाइस जुनिपर, थाइ निगालो, जस्मिन लता, मोती फूल, जापानी दूबोलगायतका ८० प्रजातिका एक हजार २४५ साना तथा मध्यम जातका विरुवाहरु रोपिएको छ ।

चार दशमलब ६६ रोपनी जग्गामा रहेको बाटिकाको परिधि ४९५ मिटर रहेको र त्यसका लागि कुल रु १० लाख २४ हजार ८६० लगानी छ । त्यसमध्ये रु १० लाख जिल्ला वन कार्यालय, काभ्रेपलाञ्चोकबाट रु २४ हजार ८६० बनेपा नगरपालिकाले लगानी गरेको छ । रासस

थप समाचार
प्रतिकृया
नाम

ईमेल

ठेगना