गेट्स नै प्रविधि क्षेत्रका सबैभन्दा धनाढ्य


काठमाडौं । gatesमाइक्रोसफ्टका मालिक बिल गेट्स फोब्र्सद्धारा पहिलो पटक सार्वजनिक गरिएको विश्वव्यापी प्रविधि सम्बन्धी अर्बपतिका सूचीमा आफुलाई अग्रस्थानमा पार्न सफल भएका छन् । यस सूचीमा प्रविधिलाई कार्य क्षेत्र बनाएर धनाढ्य हुन सफल व्यक्तित्वहरुलाई मात्र समावेश गरिएको छ ।
फोब्र्सले बुधबार सार्वजनिक गरेको संसारभरका यस्ता १०० धनाढ्यहरुको सूचीमा अमेरिकास्थित विज्ञान प्रविधि क्षेत्रका ५१ जना हस्तीहरु समावेश भएका छन् भने ३३ जना एसियाबाट र आठ जना युरोपबाट छन् । फोब्र्सका अनुसार यी १०० जनाको कूल सम्पत्ति ८४२.९ अर्ब डलर हुन्छ । शीर्ष १०० मा पर्नका लागि प्रविधिसम्बन्धी धनाढ्यहरुको सम्पत्ति कम्तिमा दुई अर्ब डलर हुनुपर्ने प्रावधान थियो ।
विश्वका धनाढ्य व्यक्तिहरुको सूचीमा विगत कैयौं वर्षदेखि एकछत्र राज गरिरहेका गेट्सले यस समूह अन्तर्गत पनि शिर्षस्थ स्थान हासिल गरेका छन् , सूचीमा उनको कूल सम्पत्ति ७९..६ अर्ब डलर भएको उल्लेख गरिएको छ । larryदोस्रो स्थानमा ओराकलका संस्थापक ल्यारी इलिसन ५० अर्ब डलरको सम्पत्तिसहित दोस्रोमा छन् ।
यस समूहमा सबैभन्दा आश्चर्यजनक प्रवेश अमेजन डट कमका मालिक जेफ बेजोसको भएको छ । bezosअमेजनको शेयरमा वृद्धि भएसँगै १३ अर्ब डलर थप आयसहित उनी तेस्रो स्थानमा छन् र उनको कूल सम्पत्ति ४७.८ अर्ब डलरको छ ।
यस्तै चौथो स्थान फेसबुकका संस्थापक मार्क जुकरबर्गको छ , उनको सम्पत्ति ४१.२ अर्ब डलर छ , यस्तै उनीपछि पाँचौं स्थानमा गुगलका संस्थापक ल्यारी पेज ३३.४ अर्ब डलर र सेर्गी बेन ३२.८ अर्ब डलर छन् ।
चिनियाँ कम्पनी अलि बाबाका संस्थापक ज्याक मा २३.२ अर्ब डलरको सम्पत्तिसहित सातौं स्थानमा छन् । एसियाबाट सबैभन्दा धनीका रुपमा ज्याक समावेश भएका हुन्् । यसैगरी माईक्रोसफ्टका पूर्व कार्यकारी मालिक स्टेभ बाल्मर २२.७ अर्ब डलर , एप्पल कम्प्युटरका jobsसह– संस्थापक स्टिभ जब्सकी विधवा पावेल जब्स २१.४ अर्ब डलर तथा डेल कम्प्युटरका संस्थापक माइकल डेल १९.४ अर्ब डलरको सम्पत्तिसहित क्रमशः आठौं, नवौं र दशौं स्थानमा छन् ।
प्रविधि धनाढ्यहरुको औसत उमेर ५३ वर्षको रहेको छ । evanयसैगरी स्न्यापच्याटका संस्थापक इभान स्पिगल यस सूचीमा समावेश सबैभन्दा कम उमेरका अर्बपति हुन् जसको उमेर मात्र २५ वर्षको छ । इण्टेलका सह–संस्थापक ८६ वर्षीय गोर्डेन मूर सूचीका सबैभन्दा वृद्ध अर्बपति हुन् । moore
फोब्र्सका अनुसार प्रविधि क्षेत्रका यी १०० धनाढ्यहरु मध्ये ९४ जनाले आफैले कम्पनी स्थापना गरेका हुन् भने तीन जनाले पुख्र्यौली सम्पत्तिका रुपमा पाएका हुन् । यस्तै तीन जनाले पुख्र्यौली सम्पत्तिलाई अर्झै बढाएर यो स्थानसम्म पुगेका हुन् ।

 

थप समाचार
प्रतिकृया
नाम

ईमेल

ठेगना