चाहना मनिषाको


काठमाडौं । ma
एउटी महिला कसलाई पो आमा बन्ने चाहना नहोला ? कुनै समयमा बलिउडकी अति व्यस्त नाियका मनिषा कोईरालालाई पनि आमा बन्ने निकै चाहना छ । तर कहिँले , असफल विवाह तथा क्यान्सरबाट पीडित यी नायिकाका लागि पछिल्ला केही समय निकै कष्टकर रहे र पनि जिन्दगीसँग उनले हार मानिन् । यसैको परिणामस्वरुप चलचित्र अभिनय तथा समाजसेवामा फेरि देखिन थालेकी छिन् मनिषा ।
वास्तवमै जिन्दगीमा निकै उतारचढाव भोगेकी मनिषाका चाहनाहरु केही छन् कि ? मुम्बई मिररसँगको कुराकानीमा मनिषाले भनिन् – ‘ यो समय मेरा लागि निकै महत्वपूर्ण छ किनकि क्यान्सर रोग उपचारपछिको तेस्रो वर्षलाई पार गर्न सके भने मैले क्यान्सर रोगलाई पूर्ण रुपले जितेकी हुन्छु । तत्पश्चात् म आप्mनै तरीकाले जीवन जिउन सक्छु । ’ यस पछि किताब लेख्ने , चलचित्र निर्माण गर्ने तथा क्यान्सर भनेको मृत्युवरण होईन भन्ने सन्देश प्रवाह गर्ने चाहना मनिषाको छ ।
अन्तर्वाताका क्रममा मुम्बईस्थित आफ्नो पाँच कोठाको फ्ल्याट देखाउँदै मनिषाले आफ्ना श्रीमान् र सन्तानका लागि भनेर खरीद गरेको स्वीकार गरिन् । ‘ जुन दिन मलाई क्यान्सरबाट पूर्णरुपमा निको भएको महशुस हुन्छ , म एक बालक र एक बालिका गरी दुई बालबालिकालाई धर्मसन्तानका रुपमा पाल्न चाहन्छु । ’ तर श्रीमान् प्राप्तिका बारेमा अनिश्चित रहेकी यी नेपाली सुन्दरीले अन्तर्वाताका क्रममा भनिन् ‘ मेरा केही अपेक्षाहरु छन् , तिनीहरु पूर्ण होलान् वा नहोलान् भन्ने बारेमा म निश्चित छैन । ( यदि अपेक्षाहरु पूरा भएमा ) मैले विवाह पनि गर्न सक्छु तर अहिले नै भने होईन । बच्चाहरु पालेर भए पनि परिवारको अनुभूति हुन सक्छ , आशा गरौं अर्को वर्ष । ’

 

 

थप समाचार
प्रतिकृया
नाम

ईमेल

ठेगना